Хавар
1. Савчин ганхах дүүжин сандлын үзүүр дээр
Сарны дүрстэй бүсгүй тайчиж байна
Янаг бяцхан Лолито өвөрт тэлчлэх шиг
Яг л ийм хавар иржээ!
Ядруухан гудамжнаа бодлууд нисэлдэж
Хүмүүс бужигналдах нь...
Тамхины утаа цэнхэртсэн өрөөний минь
Тааз бүхнээс дүүжлүүр савчих нь...
Тайтгарал юмдаа,
Хавар юмдаа!
Сарны дүрстэй бүсгүй тайчиж байна
Янаг бяцхан Лолито өвөрт тэлчлэх шиг
Яг л ийм хавар иржээ!
Ядруухан гудамжнаа бодлууд нисэлдэж
Хүмүүс бужигналдах нь...
Тамхины утаа цэнхэртсэн өрөөний минь
Тааз бүхнээс дүүжлүүр савчих нь...
Тайтгарал юмдаа,
Хавар юмдаа!
2. Шарил бүхнийг өвс бүрхээд
Шаналал бүхнийг аргаджээ
Биднээс өмнө үхэж үзсэн хүмүүсийн
Биен дээгүүр нь хавар тэлчилж байна!
Шаналал бүхнийг аргаджээ
Биднээс өмнө үхэж үзсэн хүмүүсийн
Биен дээгүүр нь хавар тэлчилж байна!
Тархиар
дүүрэн золгүй бодлууд
Танил
хүрэмний минь завсраар цухалзахад
Шанаагаа
тулан суугаа бүсгүйн хормойгоор
Шагалзан
наадсаар өдрийг барна
Ийм л нэг эрээ цээргүй,
Шалдар булдар өдрүүдийн эцэст
Шархадсан цэрэг шиг үхэтхийн унах минь
Ай, хавар аа!
Ийм л нэг эрээ цээргүй,
Шалдар булдар өдрүүдийн эцэст
Шархадсан цэрэг шиг үхэтхийн унах минь
Ай, хавар аа!
***
No comments:
Post a Comment